لو عايزة ماتقلقيش كل شهر من المصاريف تعالي اقولك ازاي !!!!!!!!!!!!!!!!!!!!!!!!!!!!

في محورين
ها نمشي عليهم

المحور الأول
: (بخمسة
جنيه كل شهر) الصدقة الصدقة الصدقة دي حبيبنا وسيدنا رسول الله اقسم انها
مش تنقص من مالنا بل تزيده وخمسة جنيه مش ها تعجزنا في حاجة بس انتي بنفسك
لما تشوفي الخير والبركة هاتزودي الخمسة جنيه

المحور التاني:
توفر مبلغ من المال مش كبير بس يكون
معقول ها تقولي ازاي ؟؟؟؟؟
اقولك يا قمر لو انتي
عروسة جديدة عندك هدايا مالية من الاهل في بداية الجواز صح هاتي منها
المبلغ ده ولو انتي متجوزة بقالك فترة اعملي جمعية وبرده حضري المبلغ ده
(المبلغ كل واحدة ها تحدده علي اساس مصاريفها واستخدامها)
المبلغ موجود بفضل الله

احضر قائمة من الطالبات الضرورية
والدائمة:
الزيت
الصابون السائل واغسالة
الأوتوماتيك وصابون الوجه
بامبرز لو فيه اطفال
السكر
الشاي
السمن ..........الخ
طبعا الطلبات كتير المهم ايه
الرغي ه نعمل ايه ؟؟؟؟؟؟؟؟؟؟؟؟
ننزل يا حلوين اسواق الجمله ونجيب
المطالب دي بكميات كبيرة وطبعا معروف كل ما كان الكمية كبيرو يكون السعر
ارخص تجيبي الحاجة بكرتونتها (الزيت واسكر والصابون .......) وخلي بالك دي
حاجة سهلة التخزين ومفيهاش تلف لاقدر الله من تخزينها


وانت جاية وامورة وشايلة الخير دي كله ان
شاء الله تعملي يا امورة ؟؟؟ صح صح برافوا عليكو تطلعوا (خمسة جنيه) تانية
عشان ربنا يبارك في الحاجة

طب كل اللي انا قلته ده والرغي ده مش
جديد اسكت يعني؟؟؟

الجديد بقي
يا حبيبي ان المشتروات دي كلها بإذن الله مش ها تخلص في مدة قصيرة ها تخلص
في الهنا في مدة كبيرة حسب الكمية والاستخدام شوفي يا فتوكة انك لما ترتبي
الحاجة دي تدبسي فل جانب كل كرتونة ظرف من بتوع الجوبات ولما تيجي تستعملي
مثلا الصابون وتاخدي صابونة حطي في ظرف الصابون جنيه حاجة سهلة بإذن الله
الجنيه مش ها يفرق معاك في حاجة بس لما الصابون ده يخلص ها تلاقي تمنه
معاكي من غير ما يؤثر علي الميزانيه وتقيسي علي كده كل المشتروات كلنا
مجربين ان الحاجة عاملة زس السبحة لما بتخلص بتجر بعض بالك ايه بقي لما
تخلصيها تلاقي تمنها معاكي
عرفتي ليه انا قلت كمية كبيرة عشان
تلاقي مردودها مفيد ولا ايه يا فتوكة
اما اللي الحاجات اللي تخزينه مش سهل زي
الاغذية قبل ما تعملي الفكرة دي ادخلي علي فتكات الاول واعرفي تخزينه الصح
وجربيه عشان الكميات الكبيرة لا قدر الله تفسد وبنفس الطريقة تبقي عاملة
ظرف شكله حلو من المشمع ولزقاه علي التلاجة تحطي برضه الفلوس كل ما تخدي من
الأكل الكتير المتخزن في التلاجة زي الفراخ او اللحوم او الصلصة او الخضار
اللي في الديب فريزر وبالهنا والشفا وتبقي ناصحة قبل ما الحاجة تخلص تشوفي
موجود في ظرفها اد ايه وتروحي تشتريه بالجملة وربنا يا رب يروقكوا الحلال
يا رب ويوسع رزقكوا ورزق عيالكو ان شاء الله

الطريقة دي في اولها مكلف بس لما
تظبطيها علي حسب احتياجتك هاتلاقيها موفرة ومريحة جدا

هو المفروض انا ولد بس .. ومليش دعوه بالكلام دا بس الموضوع مميز لازم اتكلم طبعا جزاكي الله خير