شوية نصايح تعرفى بيها خطيب او حبيبك قبل ما تدبسى فية بقيت حياتك
ولو انة لو حبيبك هاتتغاضى عن كل
عن كل حاجة لكن لو عريس عادى هااطلعى فية القطط الفطسانة
اعرفى عريسك بدرى بدرى من طريقة اكلة ؟
لما تعزمية عندكو؟؟؟
وانتى قاعده معاه بتاكلى لاحظى طريقة اكلة هيقولك بتحسبى علية الاكلة بس دة مستقبل يابنتى ::::
يلا نشوف النصايح بقا
اذا كان عادى يعنى ولا بياكل بسرعة ولا ببطء
ولا دايما شبعان
ولا دايما مفجوع ......يبقى شخص معتدل فى عواطفة وقراراتة ويبقى دة اخر الرجال المحترمين
كلبشى انتى بقا ..واستعجلى الزفاف بسرعة
والحياة هاتبقى بمبى
اذا كان بيحب الاكل زى عينية ...واول ماايدخل من الباب وقبل ماايقولك ازيك يقولك ريحة التقلية تجنن ياروحى انتوا عاملين ملوخية على ارانب ؟؟!!!
...اموت انا ...ويقعد ياكل ويحشر لحد مايغمى علية
يبقى
انسان طفس..وهوائى..وطايش ..واوعى تتجوزية احسن ياكلك وانتى نايمة ....؟؟
اما اذا كان مش مهتم بالمرة ..لا يقولك دة حلو ولا دة عادى ولا دة مالح ولا مستوى ولا لسة نى ولا بيعلق اى تعليق
وعمرة ماايقولك جعان او شبعان
يبقى انسان مالوش لازمة ..وزى قلتة..وانصحك بدل ماتتجوزية اتبنية ....
وهاتعيشى انتى الراجل والست ف وقت واحد واعملى حسابك هااتركبى وتدلدلى رجليكى
اما اذا كان بياكل زى ماايكون حد بيجرى ورااااااه وساعة الاكل بيجيلة حالة صرع معوى ..ويقوم من على الاكل قبل اى حد تانى
يبقى متسرع ومتهور فى اتخاذ قراراتة ويمكن بعد الجواز يكتشف انك مش ملهمتة ومش فتاه احلامة ومش حلمة ويروح
مطلقك بالتلاتة
اخلعى انتى بدرى احسن لكرامتك
اما اذا كان بياكل على مهلة ..ويمزمز..فكل صنف لوحدة ..ويسال عن كل صنف اية مقاديرة ومعمول ازاااااااااااااااى
..ويقعد يستطعم فى الاكل من العصر للمغرب
حاسبى ياختى دة من النوع اللى لة مخ
..وبيوزن الامور بطريقة تفقع المرارة..ولو فى يوم طلبتى منة يقولك كلمة حلوة هاايقولك مش عامل حسابى ويقعد يفكر 3 سنين وبعدين يقولك بحبك ويقعد يشوف وقعها عليكى ايه ؟؟
نظاام شلل رعاااااااش
........بدرى ....بدرى
اخلعى ياامى
اما اذا كان بيقعد يقطع فى الاكل زى ماايكون فى خناقه ..ويخبط فى الطبق من الغل
ويقطع حتة اللحمة زى ماايكون بيدبحها ويتفتفت ويتكلم طول مااهو بياكل لما يغرق وشك اكل
دة شخص عصبى جداااا..ومع اول خناقه هاايقوم مناولك بالكرسى ف راسك او بالسكينة فى عينك يعملك عاهة مستديمة وبعدين ..يهدى ..ويقولك
"سورى ياروحى هى جت فيكى..ماعليش ماعليش برة ياحبيبى وخد الباب فى ايدك
اما اذا كان دايما قرفاااان دايما مش عاجبة العجب ولا الصيام فى رجب
الملوخية تقيلة ....ياى السمنة كتيرة على وش الشوربة ..ياساتر دا محشى ولا صوابع مووووز ..اوووووف ..الرز محصويل ..يامة المكرونة معجنة
اذا كان كدة توكلى على الله وهاتى احمى ساطوووووور عندك وانا اعرفلك
واحد محامى هاايطلعك منها من الشعرة من العجيييييين
مش انا دية اللى كاتبة الموضوع يعنى مش تسألونى على تليفون المحامى
ياعينى على الرجالة
والاحسن من دة كلة
مالها القاعدة فى بيت باباااااااااكى؟؟؟؟
