بركان غيوم شق السحاب
حجب المطر
بركان وثار من غير مناسبة
واندثر
رجف الكنايس والمساجد
وانشطر
خلى العيون تغمض تقول
آااااه يا بشر
مين اللى ضيع حق مين؟
ومين كفر؟
بدين مجيد زرع الأخوة
فى البشر
قتلوا القتيل وما قالوا ف الآخر
قدر!
قالوا مسلمين بيحدفوا الناس
بالحجر!
قالوا الأخوة دى جنين
بس احتضر!
ده ذنب مين؟.. ما هى الحياة
سكة سفر
ده ذنب مين؟.. يارب بدعيك
ف السحر
وحد نصارى ومسلمين وزيدنا
قوة ف البصر
وحد صفوفنا جيش أصيل
ياما انتصر
نور قلوبنا لجل نعرف مين افترى
ومين غدر
وحياه أخوة أهل ريفنا
والحضر
وحياه أخوة مينا والبكرى
وعمر
ما هننخدع بالجانى مهما احتال
أو مكر
هنكون نصارى ومسلمين وحدة
ف وجه اللى غدر
يارب كن لينا معين واجعل ذنوبنا
تغتفـــــــر
يارب ليك بنقول أمين
لو نؤتمر
يارب سدد كل خطوة ف دربنا
إحنا بشر
